У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Жнв 2016

Беларускі баксёр Дзмітрый Асанаў прабіўся ў 1/8 фіналу Алімпіяды

11 жніўня, Мінск /Кар. БЕЛТА/. Беларус Дзмітрый Асанаў выйшаў у 1/8 фіналу алімпійскага турніру па боксе ў вагавой катэгорыі да 56 кг, паведамляе карэспандэнт БЕЛТА.

У першым баі на алімпійскім рынгу Дзмітрый Асанаў сустракаўся з сапернікам з Дамініканскай Рэспублікі Эктарам Гарсіа Мора. Стартавы раўнд склаўся не на карысць беларускага спартсмена. У ім усе арбітры аддалі перавагу лацінаамерыканцу. Далей 20-гадовы ўраджэнец Маладзечна стаў дзейнічаць больш актыўна і змяніў характар паядынку. У другім і трэцім раўндзе ён перасягнуў апанента і святкаваў перамогу па ачках - 2:1 (27:30, 29:28, 29:28).

Наступным сапернікам Дзмітрыя Асанава стане Цэндбаатар Эрдэнебат з Манголіі. Гэты паядынак намечаны на 14 жніўня.

Разам з Дзмітрыем Асанавым барацьбу за ўзнагароды баксёрскага турніру ў Рыа прадоўжыць у вагавой катэгорыі да 81 кг яшчэ адзін беларус Міхаіл Даўгалевец. Ён упэўнена правёў свой стартавы бой супраць італьянца Валянціна Манфрэдонія, атрымаўшы перамогу па ачках. Наступным сапернікам Даўгалеўца будзе сярэбраны прызёр лонданскіх Гульняў-2012 Адыльбек Ніязымбетаў з Казахстана. Сустрэча адбудзецца 12 жніўня.

Як паведамлялася, беларускі баксёр Павел Кастрамін, які выступае ў вагавой катэгорыі да 69 кг, ва ўпартай барацьбе ўступіў па ачках прадстаўніку Тайланда Сайлому Адзі ў першым крузе і пакінуў Алімпіяду.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс