Падзеі, факты, анонсы

Беларускі атлет Сяргей Заслаўскі ўстанавіў новы нацыянальны рэкорд

Фота з асабістага архіва

26 снежня, Мінск /Кар. БЕЛТА/. Вядомы беларускі асілак Сяргей Заслаўскі ўстанавіў чарговы рэкорд, паведамляе карэспандэнт БЕЛТА.

Як і планаваў, атлет завяршыў 2022 год у Мінску новым дасягненнем у вагавой катэгорыі да 85 кг, падняўшы стоячы штангу вагой 120 кг. Перад галоўным падыходам атлет "размяўся" штангамі вагой 115 кг і 118,5 кг. Рэкорд краіны зафіксаваны суддзямі міжнароднай катэгорыі, і цяпер Сяргей Заслаўскі афіцыйна стаў мацнейшым атлетам Беларусі ў гэтым сілавым відзе. У канцы верасня беларускі асілак пабіў дасягненне амерыканца Роберта Нельсана ў жыме 70-кілаграмовай штангі: за 60 секунд ён зрабіў 21 пад'ём - на адзін больш, чым было ў амерыканскага спартсмена. У 2023 годзе беларус настройваецца на новыя рэкорды.

Сяргей Заслаўскі - дзеючы чэмпіён планеты па сілавых відах спорту, трохразовы майстар спорту міжнароднага класа па жыме штангі стоячы і па класічным пад'ёме на біцэпс. Яго рэкорды занесены ў Кнігу рэкордаў Гінеса і кнігу рэкордаў Расіі, краін СНД і Балтыі "Дзіва". Ён аўтар спартыўна-патрыятычнага праекта "За моцную Беларусь", праводзіць майстар-класы і семінары па сілавых відах спорту для супрацоўнікаў, ваеннаслужачых і курсантаў сілавога блока структурных падраздзяленняў МУС, Узброеных Сіл, навучэнцаў агульнаадукацыйных школ, сярэдніх і вышэйшых навучальных устаноў.

версія для друку

зрабіць стартавай

дабавіць у выбранае