Падзеі, факты, анонсы
Беларусь запросіць спецыялістаў СААЗ для ацэнкі работы сістэмы аховы здароўя
Фота з архiва
31 сакавіка, Мінск /Кар. БЕЛТА/. Беларусь запросіць спецыялістаў СААЗ для ацэнкі работы сістэмы аховы здароўя. Аб гэтым заявіла журналістам старшыня Савета Рэспублікі Наталля Качанава, перадае карэспандэнт БЕЛТА.
"Каб усе нашы грамадзяне былі ўпэўнены, што ўлада нічога не ўтойвае і не спрабуе прыгладзіць сітуацыю, мне дадзена даручэнне звязацца са спецыялістамі Сусветнай арганізацыі аховы здароўя і запрасіць іх да нас у краіну, каб яны далі рэальную ацэнку рабоце нашай сістэмы аховы здароўя", - сказала Наталля Качанава.
Наталля Качанава
Яна падкрэсліла, што ні ў чыіх інтарэсах утойваць інфармацыю наконт абстаноўкі ў Беларусі. "Мы разумеем, што меры павінны прымацца. І яны павінны быць адэкватнымі, прымацца ў адпаведнасці з той сітуацыяй, якая складваецца ў краіне на гэтым этапе", - адзначыла спікер Савета Рэспублікі.
Як паведамлялася, спецпасланнік СААЗ па краінах ЕС і былога СССР Віцяніс Андрукайціс заявіў, што дзеючая ў Беларусі санітарна-эпідэміялагічная сістэма дае магчымасць эфектыўна змагацца з каранавіруснай інфекцыяй COVID-19. "Я хачу аддаць належнае калегам у Беларусі, паколькі там вельмі высокі ўзровень вакцынацыі супраць грыпу. Дзякуючы гэтаму няма змазанай карцінкі, няма інфекцыйнага кактэйлю, калі медыкам цяжка выявіць рэальных заражаных COVID-19, - сказаў Віцяніс Андрукайціс у інтэрв'ю Lenta.ru. - У Беларусі дзейнічае тая ж санітарна-эпідэміялагічная сістэма, што была ў Савецкім Саюзе".
Намаганні Беларусі ў барацьбе з каранавірусам падтрымала і афіцыйны прадстаўнік СААЗ Маргарэт Харыс. "Я магу сказаць, што ў Беларусі на ранніх стадыях вы выдатна спраўляецеся, - адзначыла яна. - Важна, што дастаткова падрыхтаваных кваліфікаваных урачоў. Наколькі я паінфармавана, у вас уключаны ўсе меры засцярогі ў першую чаргу для тых, што працуе. Вы можаце тэсціраваць людзей і ізаляваць іх у бальніцах. Але галоўная мэта - гэта, вядома, затармазіць развіццё віруса. І вы спраўляецеся".
версія для друку
зрабіць стартавай
дабавіць у выбранае