Падзеі, факты, анонсы

Беларусь увайшла ў топ-50 клубнага рэйтынгу УЕФА

Фота з архiва

1 жніўня, Мінск /Кар. БЕЛТА/. Саюз еўрапейскіх футбольных асацыяцый абнавіў рэйтынг клубных каэфіцыентаў пасля заканчэння другога кваліфікацыйнага раўнда кантынентальных турніраў, паведамляе карэспандэнт БЕЛТА.

Пасля выхаду гродзенскага "Нёмана" ў трэці круг Лігі канферэнцый Беларусь перамясцілася на 49-ю пазіцыю, набраўшы ў цяперашнім сезоне 1,875 бала. Столькі ж беларускія клубы зарабілі за ўвесь папярэдні еўракубкавы сезон, а цяпер "Нёман" у выпадку поспеху ў будучых паядынках з фарэрскім "Клаксвікам" можа яшчэ папоўніць агульную скарбонку беларусаў. Першы матч трэцяга кваліфікацыйнага раўнда ЛК падапечныя Ігара Кавалевіча правядуць 5 жніўня ў Торсхаўне на Фарэрскіх астравах, а паядынак у адказ пройдзе 14 жніўня ў венгерскім Сегедзе.

Учора з еўракубкаў выбылі мінскае "Дынама" і жодзінскае "Тарпеда-БелАЗ", а раней выступленне завяршылі футбалісты брэсцкага "Дынама".

версія для друку

зрабіць стартавай

дабавіць у выбранае