Падзеі, факты, анонсы

Беларусь увайшла ў пяцёрку лепшых у Еўропе па рэалізацыі баскетбольнага праекта "Яе свет, яе правілы"

Фота з архiва

17 жніўня, Мінск /Кар. БЕЛТА/. Беларуская федэрацыя баскетбола прызнана адной з лепшых у Еўропе па пашырэнні маштабнага праекта "Яе свет, яе правілы", паведамляе карэспандэнт БЕЛТА.

Па выніках пасяджэння праўлення маладзёжных праектаў Еўрапейскай федэрацыі баскетбола, якое адбылося ў Мюнхене, Беларусь увайшла ў Топ-5 краін па арганізацыі, правядзенні і прапагандзе праекта, накіраванага на развіццё баскетбола сярод дзяўчат. Акрамя Беларусі ў першую пяцёрку трапілі Грэцыя, Паўночная Македонія, Румынія і Косава. Усе гэтыя краіны атрымаюць дадатковы грашовы бонус для далейшай рэалізацыі спаборніцтваў па праграме "Яе свет, яе правілы". Агульны аб'ём інвестыцый ФІБА-Еўропа ў гэтым годзе складзе 1 млн еўра.

Як расказала генеральны сакратар БФБ Настасся Марыніна, беларускі жаночы баскетбол займае лідзіруючыя пазіцыі ў свеце і маладзёжны праект "Яе свет, яе правілы" заваяваў вялікую папулярнасць у беларускіх дзяўчат. Яго бліжэйшым мерапрыемствам стане турнір па баскетболе 3х3, у якім прымуць удзел каманды дзяўчынак 13 і 15 гадоў. Спаборніцтвы пройдуць 21 жніўня на пляцоўцы "Палова-Арэны" каля мінскага Палаца спорту.

версія для друку

зрабіць стартавай

дабавіць у выбранае