Падзеі, факты, анонсы

Беларус Салей тры разы станавіўся чацвёртым на чэмпіянаце свету па параплаванні

25 верасня, Мінск /Кар. БЕЛТА/. Беларус Дзмітрый Салей з адным медалём завяршыў выступленні на чэмпіянаце свету па плаванні сярод спартсменаў з абмежаванымі магчымасцямі, паведамляе карэспандэнт БЕЛТА.

На планетарным форуме, які праходзіць у Сінгапуры, Салей быў прадстаўлены ў чатырох відах праграмы і заваяваў адну ўзнагароду - серабро на дыстанцыі 100 м батэрфляем у класе S12 (сярод атлетаў з парушэннямі зроку). У трох іншых дысцыплінах Дзмітрый спыняўся за крок ад тройкі: на стаметроўцы на спіне да бронзы не хапіла паўсекунды, па дыстанцыі 50 м вольным стылем - 0,31 сек., а на дыстанцыі ў два разы даўжэйшай - 0,21 сек. 35-гадовы спартсмен з'яўляецца паралімпійскім чэмпіёнам Пекіна-2008 і чэмпіёнам свету 2010 года.

За два дні да заканчэння галоўнага старту сезона ў актыве беларускіх плыўцоў тры медалі (0-2-1). Другое месца на стаметроўцы на спіне заняў Максім Вашкевіч (S12), а Настасся Зудзілава фінішавала трэцяй на дыстанцыі 100 м брасам (SB13). У шасцёрку лепшых на сотнях кролем і батэрфляем уваходзіў Ягор Шчалканаў (S9). 26 верасня беларус выступіць на дыстанцыі 100 м на спіне, на якой год таму атрымаў перамогу на Паралімпійскіх гульнях у Парыжы.

версія для друку

зрабіць стартавай

дабавіць у выбранае