Падзеі, факты, анонсы

3 кастрычніка, Мінск /Кар. БЕЛТА/. Беларусь прэтэндуе на перамогу ў намінацыі "Гастранамічны і агратурызм" конкурсу лепшых турыстычных напрамкаў National Geographic Traveler Awards 2017, паведамляе карэспандэнт БЕЛТА.

Акрамя Беларусі ў гэтай намінацыі таксама прадстаўлены Арменія, Грузія, Індыя, Італія, Перу, Швецыя. Анлайн-галасаванне праходзіць на сайце часопіса National Geographic Traveler па 15 кастрычніка ўключна.

Акрамя лепшага напрамку для гастранамічнага і агратурызму выбіраюць лепшыя краіны для пляжнага, сямейнага, гарналыжнага, экскурсійнага, аздараўленчага, прыгодніцкага, экзатычнага адпачынку. У асобнай намінацыі вызначаць краіну - турыстычнае адкрыццё года.

Па выніках галасавання таксама назавуць лепшую міжнародную авіякампанію, інтэрнэт-сэрвіс для падарожнікаў, курортны атэль, круіз, перадачу аб падарожжах.

У мінулым годзе па выніках конкурсу National Geographic Беларусь была прызнана лепшай краінай для агратурызму.

У Беларусі на пачатак 2017 года налічвалася 2 279 аграсядзіб. У мінулым годзе ў іх адпачылі амаль 302 тыс. чалавек.