У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Врс 2018

Беларусь прадставіць свой вопыт па дасягненні МУР на саміце па ўстойлівым развіцці ў Нью-Ёрку

Беларусь прадставіць свой вопыт па дасягненні МУР на саміце па ўстойлівым развіцці ў Нью-Ёрку

19 верасня, Мінск /Кар. БЕЛТА/. Намеснік старшыні Савета Рэспублікі, нацыянальны каардынатар па дасягненні Мэт устойлівага развіцця Мар'яна Шчоткіна 24-25 верасня прыме ўдзел у саміце па ўстойлівым развіцці, які арганізаваны Сусветным эканамічным форумам (СЭФ) у Нью-Ёрку. Аб гэтым БЕЛТА паведамілі ў прэс-службе Савета Рэспублікі.

Беларусь запрошана на саміт упершыню. "Мар'яна Шчоткіна прадставіць беларускі вопыт па дасягненні Мэт устойлівага развіцця, а таксама выступіць з дакладамі па пытаннях гендарнай роўнасці і процідзеяння гандлю людзьмі ў кантэксце работы па МУР", - праінфармавалі ў прэс-службе.

Удзел у саміце дасць магчымасць не толькі прадставіць падыходы Беларусі да выбудоўвання работы па дасягненні МУР, але і абмеркаваць практычныя пытанні развіцця ўзаемадзеяння з Сусветным эканамічным форумам, адзначылі ў Савеце Рэспублікі. На палях саміту запланаваны двухбаковыя сустрэчы нацыянальнага каардынатара Беларусі па МУР з кіраўнікамі дэлегацый замежных краін і міжнародных арганізацый.

Саміт СЭФ у Нью-Ёрку прымеркаваны да адкрыцця 73-й сесіі Генеральнай асамблеі ААН. Адна з ключавых тэм - узмацненне рэгіянальнага супрацоўніцтва і стварэнне сеткі партнёрскіх сувязей па пытаннях устойлівага развіцця. Гэта тэма сугучна з беларускай ініцыятывай па фарміраванні партнёрскай сеткі нацыянальных каардынатараў па МУР, агучанай на мінскім форуме па ўстойлівым развіцці ў лютым 2018 года. На саміт для абмеркавання пытанняў па дасягненні МУР і Парыжскага пагаднення збяруцца больш за 700 прадстаўнікоў арганізацый, урадаў, грамадзянскай супольнасці і акадэмічных колаў з 70 краін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску