Падзеі, факты, анонсы

Беларус Нечытайла перамог японца Катасіму ў баі за званне чэмпіёна свету па кікбоксінгу WKF

21 верасня, Мінск /Кар. БЕЛТА/. Беларускі кікбаксёр Віктар Нечытайла атрымаў перамогу ў баі за пояс чэмпіёна свету па версіі Сусветнай федэрацыі кікбоксінга WKF, паведамляе карэспандэнт БЕЛТА.

У чэмпіёнскім баі ў вагавой катэгорыі да 60 кг Нечытайла процістаяў спартсмену з Японіі, паядынак прайшоў у заключны дзень Кубка свету ў "Стайках". Бой доўжыўся пяць раўндаў па тры хвіліны і завяршыўся пераканаўчай перамогай беларускага байца. Год таму Віктар заваяваў залаты медаль чэмпіянату свету па кікбоксінгу ў Іспаніі.

Таксама 20 верасня на Кубку свету адбыліся фіналы ў раздзелах К1 і лоу-кік. Вікторыі на дамашнім турніры атрымалі нашы Дар'я Бялькова (да 63,5 кг), Віталь Пратасевіч (лоу-кік, да 91 кг), Мірон Барбаровіч (К1, да 60 кг), Іван Чарнецкі (лоу-кік, да 75 кг), Георгій Фокін (К1, да 67 кг), Станіслаў Саўчанка (лоу-кік, да 86 кг) і Мікіта Какош (K1, да 86 кг).

Раней у спаборніцтвах спартсменаў да 19 гадоў беларускія спартсмены выйгралі больш за 20 залатых узнагарод. Усяго Кубак свету WKF 2025 года сабраў у "Стайках" больш за 500 атлетаў з 22 краін.

версія для друку

зрабіць стартавай

дабавіць у выбранае