Падзеі, факты, анонсы

Беларус Ягор Шаранговіч набраў 100 бамбардзірскіх балаў у НХЛ

Ягор Шаранговіч. Фота Twitter-акаўнта NJDevils

17 лютага, Мінск /Кар. БЕЛТА/. Беларускі форвард "Нью-Джэрсі Дэвілз" Ягор Шаранговіч набраў 100 бамбардзірскіх ачкоў у матчах Нацыянальнай хакейнай лігі, паведамляе карэспандэнт БЕЛТА.

Свой юбілейны бал 24-гадовы беларус зарабіў у Сэнт-Луісе ў паядынку "д'яблаў" з "блюзменамі", калі ў пачатку другога перыяду стаў асістэнтам Эрыка Хаула, які закінуў другую шайбу ў вароты гаспадароў арэны. У выніку хакеісты "Нью-Джэрсі" ўсё ж уступілі "Сэнт-Луіс Блюз" з рэзультатам 2:4. Ягор Шаранговіч правёў на пляцоўцы 18 мінут пры паказчыку карыснасці 0. У гэтым рэгулярным чэмпіянаце НХЛ ён прыняў удзел у 54 матчах, у яго цяпер 24 бамбардзірскія ачкі - па тузіну закінутых шайбаў і галявых перадач. Усяго Ягор Шаранговіч, які выступае ў мацнейшай лізе планеты з 2018 года, цяпер мае ў сваім актыве 100 ачкоў (52+48), набраных у 184 праведзеных паядынках.

"Нью-Джэрсі" цяпер знаходзіцца на 3-й пазіцыі ва Усходняй канферэнцыі, маючы 75 ачкоў. Лідзіруе "Бостан Бруінз", у якога 87 заліковых балаў, на другім месцы "Караліна Харыкейнз" - 80 ачкоў. Паслязаўтра "Нью-Джэрсі Дэвілз" згуляюць на выездзе супраць "Пітсбург Пінгвінз", у актыве якога 63 ачкі і 7-ы радок у турнірнай табліцы Усходняй канферэнцыі.

версія для друку

зрабіць стартавай

дабавіць у выбранае