4 мая, Мінск /Кар. БЕЛТА/.
Беларус Аляксандр Гуштын стаў бронзавым прызёрам чэмпіянату Еўропы па вольнай барацьбе, паведамляе карэспандэнт БЕЛТА.На турніры ў сербскім Нові-Садзе ў катэгорыі да 97 кг беларус у вырашальным паядынку за трэцяе месца быў мацнейшы за Міхаіла Пятрова Ганева з Балгарыі
- 7:0. У ходзе спаборніцтваў Аляксандр Гуштын адолеў Алексіса Кааўслідзіса (Кіпр), а затым уступіў Анзору Балтукаеву з Расіі - 5:8. На шляху да паядынку за трэцяе месца беларус выйграў у грузіна Муразі Мчэдлідзэ - 10:0. Пераможцам у вагавой катэгорыі да 97 кг стаў Рэза Ілдырым з Турцыі.Для беларускай каманды медаль Аляксандра Гуштына стаў другім на чэмпіянаце Еўропы. Як паведамлялася, залатую ўзнагароду турніру заваявала ў вагавой катэгорыі да 53 кг Ванэса Каладзінская.