Падзеі, факты, анонсы
Беларусь і Літва падпісалі праграму супрацоўніцтва ў галіне турызму на 2016-2017 гады
25 студзеня, Мінск /Кар. БЕЛТА/. Беларусь і Літва падпісалі праграму супрацоўніцтва ў галіне турызму на 2016-2017 гады, паведамілі БЕЛТА ў прэс-службе Міністэрства замежных спраў.
Пасяджэнне сумеснай рабочай групы па турызме паміж Міністэрствам спорту і турызму Беларусі і Міністэрствам гаспадаркі Літвы адбылося ў Вільнюсе. Беларускую дэлегацыю ўзначаліла намеснік дырэктара дэпартамента па турызме Наталля Елісеева, літоўскую - начальнік аддзела па палітыцы турызму Рэналдас Чужас. У перагаворах прыняў удзел Надзвычайны і Паўнамоцны Пасол Беларусі Аляксандр Кароль.
Бакі абмяняліся інфармацыяй аб развіцці турыстычнага сектара ў абедзвюх краінах, абмеркавалі стан і перспектыўныя напрамкі ўзаемадзеяння ў гэтай сферы, у тым ліку ў рамках трансгранічных праектаў. Па выніках пасяджэння падпісана праграма супрацоўніцтва ў галіне турызму паміж двума міністэрствамі на 2016-2017 гады.
Беларуская дэлегацыя прыняла ўдзел у рабоце міжнароднай выстаўкі падарожжаў, вольнага часу і спорту Adventur-2016 у Вільнюсе. На выстаўцы адбылася прэзентацыя турыстычных магчымасцей Беларусі, яе арганізатарам выступіла Нацыянальнае агенцтва па турызме. У прэзентацыі прынялі ўдзел кіраўнікі і прадстаўнікі буйных беларускіх туркампаній.
версія для друку
зрабіць стартавай
дабавіць у выбранае