Падзеі, факты, анонсы
БЧ арганізуе правядзенне 62-га пасяджэння Савета па чыгуначным транспарце краін СНД у Мінску
10 лютага, Мінск /Кар. БЕЛТА/. Беларуская чыгунка выступіць арганізатарам правядзення 62-га пасяджэння Савета па чыгуначным транспарце краін СНД, якое пройдзе ў Мінску з 21 па 22 мая. Аб гэтым паведамілі БЕЛТА ў прэс-цэнтры БЧ.
"Для Беларускай чыгункі арганізацыя і ўдзел у мерапрыемстве з'яўляецца важнейшай падзеяй бягучага года ў сферы развіцця міжнароднага супрацоўніцтва", - адзначылі спецыялісты.
Паводле даных БЧ, у Мінску збяруцца дэлегацыі чыгуначных адміністрацый Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана, Туркменістана, Узбекістана, Украіны. Акрамя таго, чакаюцца прадстаўнікі Грузіі, Латвіі, Балгарыі, Фінляндыі, Літвы, Эстоніі і Ірана.
У праграме мерапрыемства будуць прадугледжаны перагаворы начальніка Беларускай чыгункі з кіраўніцтвам ААТ "Расійскія чыгункі" і АТ "Нацыянальная кампанія "Казахстан Тэмір Жалы".
Савет па чыгуначным транспарце дзяржаў - удзельніц Садружнасці і выканаўчы орган (дырэкцыя) былі створаны ў 1992 годзе. Першарадную ўвагу савет удзяляе забеспячэнню тэхналагічнага адзінства чыгунак. Штогод вядзецца распрацоўка графіка руху і плана фарміравання паяздоў у міжнародных зносінах. Вялікая ўвага ўдзяляецца пытанням тэхнічнага стану грузавых вагонаў.
Папярэдняе пасяджэнне савета адбылося ў кастрычніку 2014 года ў Баку (Азербайджан).
версія для друку
зрабіць стартавай
дабавіць у выбранае