У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Ліп 2016

Барысаўскі БАТЭ выйшаў у трэці раўнд кваліфікацыі футбольнай Лігі чэмпіёнаў

19 ліпеня, Мінск /Кар. БЕЛТА/. Футбалісты барысаўскага БАТЭ выйшлі ў трэці кваліфікацыйны раўнд Лігі чэмпіёнаў. 19 ліпеня ў матчы ў адказ 2-га раўнда ў гасцях у фінскага чэмпіёна "Сейняёкі" барысаўчане згулялі ўнічыю - 2:2, і па суме двух матчаў прайшлі далей, паведамляе карэспандэнт БЕЛТА.

Госці вельмі ўпэўнена пачалі сустрэчу, адразу ж узяўшы ініцыятыву ў свае рукі. Вынікам перавагі БАТЭ стаў гол Аляксандра Карніцкага, які на 15-й мінуце сустрэчы замкнуў верхавую перадачу Аляксея Рыёса з левага фланга атакі. Прапусціўшы мяч, гаспадары кінуліся адыгрывацца, але праз 15 мінут атрымалі другі гол у свае вароты - яго эфектным ударам з лініі штрафной плошчы забіў Рыёс. Павёўшы 2:0, барысаўскія футбалісты крыху расслабіліся і далі магчымасць сапернікам правесці небяспечныя атакі на вароты Сяргея Верамко. Адна з іх была рэзультатыўнай - за мінуту да перапынку вызначыўся камерунскі легіянер фінскага чэмпіёна Арыэль Нгуекам - 1:2. Пасля перапынку гаспадары прадоўжылі свае атакі, на 61-й мінуце гульні лік стаў роўным - 2:2. Толькі пасля гэтага барысаўчане ўспомнілі атакуючыя дзеянні і перавялі гульню на чужую палавіну поля. Аднак футбалісты фінскага клуба адчулі, што могуць пазмагацца за перамогу, і не збіраліся ўступаць. Да завяршэння сустрэчы гульня ішла на сустрэчных курсах. Абедзве каманды маглі дабіцца поспеху, але лік так і не змяніўся.

Склад БАТЭ быў такі: Верамко; Пік, Палякоў, Гайдучык, Жаўнерчык, Стасевіч, Кендыш, Карніцкі, А.Валадзько (Іваніч, 54), Рыёс (Гардзяйчук, 69), Радыёнаў (М.Валадзько, 85).

У першай гульні тыдзень таму на полі "Барысаў-Арэны" падапечныя Аляксандра Ермаковіча перамаглі з лікам 2:0 (галы забілі Юрый Кендыш і Віталь Радыёнаў).

Наступным сапернікам 12-разовых чэмпіёнаў Беларусі будзе пераможца пары "Хабнарф'ёрдзюр" (Ісландыя) - "Дандолк" (Ірландыя). Іх першая сустрэча на полі ірландскага клуба завяршылася ўнічыю 1:1, а ў адказ адбудзецца 20 ліпеня ў Ісландыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс