Падзеі, факты, анонсы

Азаранка выйшла ў другі круг турніру WTA-1000 у Індыян-Уэлсе

Вікторыя Азаранка. Фота НАК Беларусі

6 сакавіка, Мінск /Кар. БЕЛТА/. Беларуская тэнісістка Вікторыя Азаранка прабілася ў другі раўнд турніру катэгорыі WTA-1000 у амерыканскім Індыян-Уэлсе, паведамляе карэспандэнт БЕЛТА.
 
Мінулай ноччу трохразовая пераможца гэтых спаборніцтваў абыграла ў двух сэтах 18-гадовую амерыканку Клерві Нгунуэ - 6:4, 7:6 (9:7). У 1/32 фіналу саперніцай Азаранка будзе кітайская тэнісістка Чжэн Цыньвэнь. Вікторыя выйгравала турнір у Індыян-Уэлсе ў 2009, 2011 і 2016 гадах.

Першая ракетка планеты беларуска Арына Сабаленка пачне выступленне з другога раўнда, дзе згуляе з пераможцай матчу паміж амерыканкай Макартні Кеслер і расіянкай Ганнай Блінковай. У 2023 годзе Сабаленка дабралася да фіналу, у якім прайграла прадстаўніцы Казахстана Алене Рыбакінай.

У мінулым годзе чэмпіёнкай стала польская тэнісістка Іга Свёнтак. Цяперашні турнір завершыцца 16 сакавіка, яго пераможца атрымае $1,2 млн і 1000 рэйтынгавых ачкоў.

версія для друку

зрабіць стартавай

дабавіць у выбранае