Падзеі, факты, анонсы

Азаранка выйшла ў 1/4 фіналу турніру WTA-1000 у г.Доха

Фота з архiва

15 лютага, Мінск /Кар. БЕЛТА/. Беларуская тэнісістка Вікторыя Азаранка выйшла ў чвэрцьфінал турніру катэгорыі WTA-1000 у Досе з прызавым фондам $3,2 млн, паведамляе карэспандэнт БЕЛТА.

У паядынку 1/8 фіналу беларуска за паўтары гадзіны перайграла ў двух сэтах латвійскую тэнісістку Алену Астапенка - 6:0, 6:3. У чвэрцьфінале саперніцай Азаранка будзе першая ракетка планеты полька Іга Свёнтак.
 
На старце спаборніцтваў Вікторыя Азаранка перамагла ў трохсэтавым паядынку польку Магдалену Фрэш - 6:3, 3:6, 6:3, а потым перамагла ў дзвюх партыях кітайскую тэнісістку Сіньюй Ван - 7:6 (7:2), 6:2.

Два апошнія турніры ў сталіцы Катара выйгравала Іга Свёнтак, а ў 2020 годзе перамагла Арына Сабаленка. Гэтыя спаборніцтвы ў Досе завершацца 17 лютага.

версія для друку

зрабіць стартавай

дабавіць у выбранае