Падзеі, факты, анонсы

Азаранка і Кругер выйшлі ў 1/4 фіналу парнага разраду турніру ў Мадрыдзе

26 красавіка, Мінск /Кар. БЕЛТА/. Беларуская тэнісістка Вікторыя Азаранка стала чвэрцьфіналісткай парнага разраду турніру WTA-1000 Mutua Madrid Open з агульным прызавым фондам 7,8 млн еўра, паведамляе карэспандэнт БЕЛТА.

У сённяшняй сустрэчы 1/8 фіналу Азаранка і амерыканка Эшлін Кругер перамаглі расійска-амерыканскі дуэт Кацярына Аляксандрава / Пейтан Стэрнс - 6:3, 4:6, 10:5. У першым крузе Азаранка і Кругер абыгралі нідэрландска-амерыканскі тандэм Дэмі Схюрс / Эйжа Мухамад - 6:4, 6:4.

У 1/32 фіналу адзіночнага разраду першая ракетка планеты беларуска Арына Сабаленка абыграла ў дзвюх партыях расійскую тэнісістку Ганну Блінкову (76-ы нумар сусветнага рэйтынгу) - 6:3, 6:4, а заўтра ў трэцім раўндзе сустрэнецца з бельгійкай Элізэ Мертэнс (26). У 2021 і 2023 гадах Сабаленка станавілася чэмпіёнкай гэтых спаборніцтваў, а год таму ўступіла ў вырашальным матчы польскай тэнісістцы Ізе Свёнтак.

Цяперашні мадрыдскі турнір завершыцца 4 мая, яго пераможца атрымае 985 тыс. еўра і 1000 рэйтынгавых ачкоў.

версія для друку

зрабіць стартавай

дабавіць у выбранае