Падзеі, факты, анонсы

Арына Сабаленка засталася на другой пазіцыі ў рэйтынгу WTA

Фота з архiва

13 верасня, Мінск /Кар. БЕЛТА/. Беларуска Арына Сабаленка засталася на другой пазіцыі ў рэйтынгу Жаночай тэніснай асацыяцыі (WTA) пасля фінішу адкрытага чэмпіянату ЗША, паведамляе карэспандэнт БЕЛТА.

На US Open лепшая беларуская тэнісістка дабралася да паўфіналу і мае цяпер 7720 ачкоў. Наваспечаная пераможца амерыканскага першынства брытанка Эма Радукану паднялася са 150-га на 23-е месца ў рэйтынгу WTA. Беларуска Вікторыя Азаранка знаходзіцца на 32-м месцы (1990 ачкоў), Аляксандра Сасновіч займае 111-ю пазіцыю (740). Вольга Гаварцова на 134-м радку (564).

Топ-10 рэйтынгу WTA:

1. Эшлі Барці (Аўстралія) - 10 075 ачкоў;
2. Арына Сабаленка (Беларусь) - 7720;
3. Караліна Плішкава (Чэхія) - 5315;
4. Эліна Світоліна (Украіна) - 4860;
5. Наомі Осака (Японія) - 4796;
6. Сафія Кенін (ЗША) - 4692;
7. Барбара Крэйчыкава (Чэхія) - 4668;
8. Іга Свёнтэк (Польшча) - 4571;
9. Гарбінье Мугуруса (Іспанія) - 4380;
10. Петра Квітава (Чэхія) - 4060.

У рэйтынгу Асацыяцыі тэнісістаў-прафесіяналаў лідарства захоўвае серб Новак Джокавіч, які ўчора ўступіў у фінале US Open расіяніну Даніілу Мядзведзеву.

Беларускі тэнісіст Ілья Івашка займае 53-е месца (1305 ачкоў), Ягор Герасімаў на 90-й пазіцыі (85). 

Першая дзясятка рэйтынгу АТР:

1. Новак Джокавіч (Сербія) - 12 133 ачкі;
2. Данііл Мядзведзеў (Расія) - 10 780;
3. Стэфанас Цыцыпас (Грэцыя) - 8350;
4. Аляксандр Звераў (Германія) - 7760;
5. Андрэй Рублёў (Расія) - 6130;
6. Рафаэль Надаль (Іспанія) - 5815;
7. Матэа Берэціні (Італія) - 5173;
8. Дамінік Цім (Аўстрыя) - 4995;
9. Роджэр Федэрэр (Швейцарыя) - 3765;
10. Каспер Рууд (Нарвегія) - 3440.

версія для друку

зрабіць стартавай

дабавіць у выбранае