Падзеі, факты, анонсы

Арына Сабаленка выйшла ў 1/8 фіналу турніру ў Штутгарце

21 красавіка, Мінск /Кар. БЕЛТА/. Сёмая ракетка свету беларуская тэнісістка Арына Сабаленка з перамогі стартавала на турніры катэгорыі WTA 500 у нямецкім Штутгарце з прызавым фондам $565,5 тыс., паведамляе карэспандэнт БЕЛТА.

У паядынку 1/16 фіналу беларуска абыграла кітаянку Чжан Шуай (40-ы нумар сусветнага рэйтынгу) - 6:2, 6:2. Сустрэча прадаўжалася 1 гадзіну 8 мін. У матчы за выхад у чвэрцьфінал саперніцай Арыны Сабаленка будзе немка Ганна-Лена Фрыдзам (125).

На мужчынскім турніры ў іспанскай Барселоне беларускі тэнісіст Ягор Герасімаў (77) прайграў у 1/16 фіналу італьянцу Яніку Сінеру (19) - 3:6, 2:6. У стартавым матчы беларус перамог у двух сэтах французскага тэнісіста Жо-Вільфрыда Тсанга (71) - 7:5, 6:1.

Яшчэ адзін беларус Ілья Івашка (111) у першым раўндзе ўпэўнена перамог нідэрландскага тэнісіста Талана Грыкспура (144) - 6:3, 6:1. Сёння ў паядынку за выхад у 1/8 фіналу беларуса чакае сустрэча з праслаўленым іспанцам, трэцяй ракеткай планеты Рафаэлем Надалем, які з'яўляецца 11-разовым пераможцам барселонскага турніру. Ілья Івашка прабіўся ў асноўную сетку гэтых спаборніцтваў праз кваліфікацыю, абыграўшы амерыканскага тэнісіста Максіма Крэсі (157) - 6:1, 6:3 і італьянца Федэрыка Гаё (136) - 6:3, 6:2.

Турніры ў Барселоне і Штутгарце фінішуюць 25 красавіка.

версія для друку

зрабіць стартавай

дабавіць у выбранае