Падзеі, факты, анонсы

У стартавым паядынку Сабаленка, якая займае 121-е месца ў сусветным рэйтынгу, перамагла 34-ю ракетку планеты амерыканку Ларэн Дэвіс у двух сэтах - 7:5, 6:3. У матчы за выхад у чвэрцьфінал Арына Сабаленка будзе сапернічаць з пераможцай сустрэчы паміж нямецкай тэнісісткай Сабін Лісіцкі (190-ы нумар рэйтынгу WTA) і грачанкай Валенціні Грамацікопулу (179).

На мужчынскім турніры Generali Open у аўстрыйскім Кіцбюэлі (прызавы фонд - 482 тыс. еўра) беларуска-чылійскі тандэм Андрэй Васілеўскі / Ханс Падліпнік-Кастылья выйшаў у 1/4 фіналу, атрымаўшы перамогу над бразільска-італьянскім дуэтам Ражэрыа Дутра Сілва / Паола Ларэнцы - 6:3, 6:2. Тут згуляе і беларус Максім Мірны, партнёрам якога ўпершыню будзе аўстрыйскі тэнісіст Філіп Освальд. У стартавым матчы яны сустрэнуцца з аўстрыйскай парай Геральд Мельцэр / Трыстан-Самуэль Вайсбарн. Яшчэ адзін беларус Аляксандр Буры і Нікалаз Басілашвілі з Грузіі згуляюць у першым раўндзе з аргенцінцам Арасіа Сабальясам і чылійцам Джуліа Перальта.