Падзеі, факты, анонсы

Арына Сабаленка стала першай ракеткай планеты

Арына Сабаленка. Фота НАК

11 верасня, Мінск /Кар. БЕЛТА/. Арына Сабаленка ўпершыню ў кар'еры ўзначаліла рэйтынг Жаночай тэніснай асацыяцыі (WTA), паведамляе карэспандэнт БЕЛТА.

Нягледзячы на паражэнне ў фінальным паядынку US Open, Сабаленка абышла польскую тэнісістку Ігу Свёнтак, якая ў Нью-Ёрку не змагла абараніць свой тытул. Наваспечаная пераможца амерыканскага чэмпіянату Коры Гаўф паднялася на трэцяе месца. Арына Сабаленка стала другой прадстаўніцай Беларусі, якой удалося заняць першую пазіцыю ў сусветным рэйтынгу. Раней такога поспеху дабілася Вікторыя Азаранка, якая цяпер займае 23-е месца ў рэйтынгу WTA. Беларуска Аляксандра Сасновіч знаходзіцца на 102-й пазіцыі.

Першая дзясятка рэйтынгу WTA:

1. Арына Сабаленка (Беларусь) - 9266 ачкоў;
2. Іга Свёнтак (Польшча) - 8195;
3. Коры Гаўф (ЗША) - 6165;
4. Алена Рыбакіна (Казахстан) - 5790;
5. Джэсіка Пегула (ЗША) - 5755;
6. Маркета Вандроўшава (Чэхія) - 3830;
7. Унс Джабір (Туніс) - 3771;
8. Караліна Мухава (Чэхія) - 3765;
9. Марыя Сакары (Грэцыя) - 3525;
10. Каралін Гарсія (Францыя) - 3050.

Мужчынскі рэйтынг зноў узначаліў сербскі тэнісіст Новак Джокавіч, які ў фінале US Open перамог расіяніна Данііла Мядзведзева. Для 36-гадовага серба гэта 24-ы чэмпіёнскі тытул на турнірах серыі "Вялікага шлема". Лепшы з беларусаў Ілья Івашка займае 153-е месца ў рэйтынгу Асацыяцыі тэнісістаў-прафесіяналаў.

версія для друку

зрабіць стартавай

дабавіць у выбранае