Падзеі, факты, анонсы

Арына Сабаленка стала першай фіналісткай турніру ў Абу-Дабі

Фота Jimmie48

12 студзеня, Мінск /Кар. БЕЛТА/. Беларуская тэнісістка Арына Сабаленка (10-ы нумар сусветнага рэйтынгу) першай выйшла ў фінал турніру ў Абу-Дабі з прызавым фондам $565,5 тыс., паведамляе карэспандэнт БЕЛТА.

Сёння ў першым паўфінальным паядынку дзясятая ракетка планеты ўсяго за гадзіну ўпэўнена перамагла грэчаскую тэнісістку Марыю Сакары, якая займае 22-е месца ў рэйтынгу WTA, - 6:3, 6:2. Заўтра ў вырашальным матчы першага ў сезоне турніру саперніцай Арыны Сабаленка будзе пераможца другога сённяшняга паўфіналу, у якім украінка Марта Касцюк (99) згуляе з расійскай тэнісісткай Веранікай Кудзярметавай (46).

Да гэтага Арына Сабаленка перамагла славенку Палону Херцаг (49) - 7:6 (7:5), 6:2, затым узяла верх над прадстаўніцай Аўстраліі Айлай Тамлянавіч (68) - 7:5, 6:4, у 1/8 фіналу перамагла туніскую тэнісістку Унс Джабір (31) - 6:2, 6:4, а ў чвэрцьфінале была мацнейшая за прадстаўніцу Казахстана Алену Рыбакіну (19) - 6:4, 4:6, 6:3.

Пасля фінішу спаборніцтваў у сталіцы ААЭ тэнісісткі перабазіруюцца ў Мельбурн, дзе будуць рыхтавацца да чэмпіянату Аўстраліі. Першы ў сезоне турнір серыі "Вялікага шлема" пройдзе з 8 па 21 лютага на кортах "Мельбурн Парка".

версія для друку

зрабіць стартавай

дабавіць у выбранае