VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Стд 2021

Арына Сабаленка стала пераможцай турніру ў Абу-Дабі

Арына Сабаленка стала пераможцай турніру ў Абу-Дабі
Арына Сабаленка. Фота з архіва j48tennis.net

13 студзеня, Мінск /Кар. БЕЛТА/. Дзясятая ракетка свету беларуская тэнісістка Арына Сабаленка стала пераможцай турніру ў Абу-Дабі з прызавым фондам $565,5 тыс., паведамляе карэспандэнт БЕЛТА.

Сённяшні вырашальны паядынак першага ў сезоне вялікага турніру супраць расіянкі Веранікі Кудзярметавай беларуска правяла вельмі ўпэўнена, выйграўшы ў двух сэтах - 6:2, 6:2. Сустрэча прадаўжалася 1 гадзіну 5 мінут. Цяпер у актыве Арыны Сабаленка дзевяць чэмпіёнскіх тытулаў на турнірах пад эгідай WTA. Дзякуючы паспяховаму выступленню ў Абу-Дабі яна падымаецца на сёмае месца ў сусветным рэйтынгу.

На шляху да вырашальнага паядынку гэтага турніру ў сталіцы ААЭ Арына Сабаленка перамагла славенку Палону Херцаг (49) - 7:6 (7:5), 6:2, затым узяла верх над прадстаўніцай Аўстраліі Айлай Тамлянавіч (68) - 7:5, 6:4, у 1/8 фіналу перамагла туніскую тэнісістку Унс Джабір (31) - 6:2, 6:4, у чвэрцьфінале была мацнейшая за прадстаўніцу Казахстана Алену Рыбакіну (19) - 6:4, 4:6, 6:3, а ў паўфінале перамагла грэчаскую тэнісістку Марыю Сакары (22) - 6:3, 6:2.

Цяпер вядучыя тэнісісткі планеты перабазіруюцца ў Аўстралію, дзе будуць вымушаны прайсці двухтыднёвы каранцін. Потым, з 31 студзеня па 6 лютага, у Мельбурне адбудуцца два турніры, якія стануць апошняй праверкай сіл перад першым у сезоне турнірам серыі "Вялікага шлема" - адкрытым чэмпіянатам Аўстраліі. Australian Open - 2021 пройдзе на кортах "Мельбурн-Парка" з 8 па 21 лютага. У жаночым адзіночным разрадзе выступяць тры прадстаўніцы Беларусі: Арына Сабаленка, двухразовая пераможца аўстралійскага першынства, экс-першая ракетка свету Вікторыя Азаранка (13) і Аляксандра Сасновіч. У мужчынскім турніры згуляе беларус Ягор Герасімаў (78).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход