Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

27 Sep 2018

Арына Сабаленка стала паўфіналісткай турніру ў Кітаі

Арына Сабаленка стала паўфіналісткай турніру ў Кітаі
Фота WTA

27 верасня, Мінск /Кар. БЕЛТА/. Беларуская тэнісістка Арына Сабаленка (20-ы нумар сусветнага рэйтынгу) стала паўфіналісткай адзіночнага разраду на турніры ў кітайскім Ухані з прызавым фондам больш за $2,7 млн, паведамляе карэспандэнт БЕЛТА.

Сёння ў чвэрцьфінале Арына Сабаленка перамагла славацкую тэнісістку Дамініку Цыбулкаву (31) - 7:5, 6:3. Першая партыя была вельмі ўпартай, і ў вырашальныя моманты нервы аказаліся мацнейшымі ў беларускі. Другі сэт Арына пачала вельмі моцна, павёўшы 3:0. Затым саперніца скараціла разрыў 2:3, але ў выніку Сабаленка выйграла 6:3 і выйшла ў паўфінал.

Раней Сабаленка абыграла іспанку Карлу Суарэс Навара (22) - 7:6, 2:6, 6:2, украінку Эліну Світоліну (6) - 6:4, 2:6, 6:1 і прадстаўніцу ЗША Сафію Кенін (62) - 6:3, 6:3.

У барацьбе за выхад у фінал Арына Сабаленка згуляе з аўстралійкай Эшлі Барці (17).

У чвэрцьфінале парнага разраду беларуска Лідзія Марозава і японка Сюко Ааяма перайгралі венгерска-французскі тандэм Тымея Бабаш / Крысціна Младзенавіч - 6:2, 7:5.

На турніры ў Ташкенце беларуская тэнісістка Вера Лапко (64) у 1/4 фіналу сустракалася з нямецкай тэнісісткай Монай Бартэль (94) і ўступіла ў двух сэтах - 3:6, 5:7.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі