Падзеі, факты, анонсы

Аперацыю па імплантацыі штучнага жалудачка сэрца дзіцяці 8 гадоў упершыню правялі ў Беларусі

Фота з архiва

13 верасня, Мінск /Кар. БЕЛТА/. У РНПЦ дзіцячай хірургіі ўпершыню ў Беларусі правялі аперацыю па імплантацыі штучнага жалудачка сэрца дзіцяці 8 гадоў, паведамляе БЕЛТА са спасылкай на прэс-службу Міністэрства аховы здароўя.

Паводле слоў дырэктара РНПЦ Канстанціна Драздоўскага, хлопчык Дзіма знаходзіўся ў лісце чакання на перасадку сэрца, аднак яго стан рэзка пагоршыўся. На жаль, пры дыягназе "дылатацыйная кардыяміяпатыя" і з вагой 17 кг, а таксама іншымі ўскладненнямі, якія дыягнаставалі ў малыша спецыялісты цэнтра, правесці аперацыю па перасадцы донарскага органа было немагчыма.

Заставаўся адзіны шанц - імплантацыя штучнага жалудачка сэрца. Нягледзячы на ўсе складанасці правядзення аперацыі, постаперацыйны перыяд праходзіць спакойна.

Аперацыйную брыгаду ўзначаліў галоўны пазаштатны дзіцячы кардыяхірург Міністэрства аховы здароўя Беларусі, урач вышэйшай катэгорыі, кандыдат медыцынскіх навук Канстанцін Драздоўскі, асісціраваў яму вядомы кардыяхірург з Турцыі прафесар Уміт Керван.

У прэс-службе растлумачылі, што на сёння гэта адна з самых паспяховых і ўнікальных аперацый аднаму з самых маленькіх пацыентаў у Еўропе.

Сёння малыша і яго маму наведаў міністр аховы здароўя Дзмітрый Піневіч. Ён паразмаўляў з маленькім пацыентам і яго мамай і, вядома ж, падарыў свайму маленькаму цёзку набор вітамінных комплексаў, гематаген і галоўнае захапленне ўсіх хлопчыкаў - усюдыходную машыну на пульце кіравання.

На нарадзе з кіраўніцтвам РНПЦ дзіцячай хірургіі міністр вырашыў прэміраваць і ўзнагародзіць усіх урачоў і медсясцёр, якія прымалі ўдзел у лячэнні маленькага Дзімы.

версія для друку

зрабіць стартавай

дабавіць у выбранае