Падзеі, факты, анонсы

Апавяданні, эсэ, балады. Літаратурны конкурс імя Кірылы Тураўскага аб'яўлены ў Беларусі

Фота з архiва

26 верасня, Мінск /Кар. БЕЛТА/. Грамадскі савет па маральнасці ў асобе Беларускай праваслаўнай царквы і Саюза пісьменнікаў Беларусі аб'явіў ІІ адкрыты літаратурны конкурс імя свяціцеля Кірылы Тураўскага "У гармоніі з сабой і светам", паведамляе БЕЛТА са спасылкай на афіцыйны партал БПЦ.

На конкурс прымаюцца празаічныя і паэтычныя творы аўтараў розных узростаў, як прафесіяналаў, так і аматараў, напісаныя на беларускай або рускай мове. Літаратурныя формы твораў могуць быць розныя: апавяданне, эсэ, навела, балада, вершы, басня і г.д.

Ацэньвацца заяўкі будуць у трох намінацыях: "У асяроддзі родных. Я і мая сям'я", "Беражлівае стаўленне да сябе і навакольнага свету" і "Міласэрнасць. Праца. Міралюбнасць".

Творчае спаборніцтва нацэлена на ўключэнне шырокай грамадскасці, а таксама патэнцыялу маладых людзей у вырашэнне сацыяльна значных праблем сучаснага грамадства.

Творы можна прысылаць арганізатарам да 15 снежня. Падвядзенне вынікаў конкурсу адбудзецца ў лютым 2026 года.

версія для друку

зрабіць стартавай

дабавіць у выбранае