Падзеі, факты, анонсы

Антон Смольскі выйграў бронзу на этапе КС па біятлоне ў Аўстрыі

Антон Смольскі. Фота biathlon.by

10 снежня, Мінск /Кар. БЕЛТА/. Антон Смольскі выйграў бронзу трэцяга этапу Кубка свету па біятлоне, які стартаваў сёння ў Хохфільцэне (Аўстрыя), паведамляе карэспандэнт БЕЛТА.

Беларускі страляючы лыжнік прабег спрынтарскую гонку на 10 км з двума агнявымі рубяжамі на 20,5 сек. павольней за пераможца з Германіі Іаханеса Кюна, пры гэтым не дапусціўшы асечак на стрэльбішчы.

Спартсмен з Цюслінга паказаў на фінішы час 26 мін. 05,0 сек. (1 промах). Другое месца заняў швед Марцін Пансілуома, які адстаў ад пераможца на 14,3 сек. (1 промах).

Што датычыцца астатніх беларусаў, то ў дзясятцы мацнейшых фінішаваў яшчэ і Дзмітрый Лазоўскі. Ён стаў дзявятым (адставанне 40,4 сек., 0 промахаў). Раман Ялётноў фінішаваў 19-м (адставанне 55,8 сек., 1 промах), Сяргей Бачарнікаў - 52-м (1 мін. 42,5 сек., 1 промах), а Максім Варабей - 91-м (адставанне 2 мін. 53,9 сек., 4 промахі). Усяго завяршылі гонку 117 спартсменаў.

Заўтра, 11 снежня біятланісты правядуць гонку праследавання, а завершыцца для іх старт у Хохфільцэне 12 снежня эстафетай.

версія для друку

зрабіць стартавай

дабавіць у выбранае