У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

4 Врс 2015

Андрэй Герасімчук прызнаны лепшым байцом ЧС-2015 па тайландскім боксе

4 верасня, Мінск /Кар. БЕЛТА/. Беларускі спартсмен Андрэй Герасімчук быў прызнаны лепшым байцом праведзенага ў Бангкоку (Тайланд) чэмпіянату свету - 2015 па тайландскім боксе. Аб гэтым сёння на прэс-канферэнцыі, прысвечанай падвядзенню вынікаў сусветнага форуму, расказаў намеснік міністра ўнутраных спраў, старшыня Беларускай федэрацыі кікбоксінга і тайландскага бокса (БФКТБ) Юрый Караеў, перадае карэспандэнт БЕЛТА.

Андрэй Герасімчук заваяваў на мінулым чэмпіянаце свету залатую ўзнагароду ў вагавой катэгорыі звыш 91 кг. Гаворачы аб выступленні нацыянальнай каманды Беларусі на турніры ў цэлым, Юрый Караеў назваў яго вельмі дастойным, аднак усё ж "не самым бліскучым". "Асабіста я пагрузіўся ў атмасферу чэмпіянату, у атмасферу віду спорту і за два тыдні пра многае даведаўся ад трэнераў і спартсменаў аб узаемаадносінах як у нас у камандзе, так і месцы і ролі Беларусі ў тайландскім боксе", - расказаў кіраўнік БФКТБ. Юрый Караеў таксама адзначыў баявы дух беларускіх спартсменаў, высокую кваліфікацыю іх трэнераў, якія якасна падрыхтавалі выхаванцаў да сусветнага форуму. Усяго на ім Беларусь прадстаўлялі 27 байцоў. Беларускія спартсмены па яго выніках заваявалі 20 (7 залатых, 8 сярэбраных, 5 бронзавых) узнагарод.

Сярод дарослых акрамя Андрэя Герасімчука пераможцам ЧС таксама стаў Дзмітрый Валент (вагавая катэгорыя да 81 кг). Другія месцы занялі Эдуард Міховіч (54 кг), Андрэй Кулебін (71 кг), Алена Ляшкевіч (45 кг), Марыя Валент (60 кг). Бронзавым прызёрам стаў Яўген Волчак (86 кг). Што датычыцца юніёраў і юнакоў, то залатыя ўзнагароды выйгралі Аляксей Узвараў (45 кг), Алег Ліхтаровіч (60 кг), Павел Грышановіч (60 кг), Данііл Квач (42 кг), Уладзіслаў Корсак (57 кг). Серабро прывезлі дадому Мікалай Свядомскі (54 кг), Рыгор Рапенка (45 кг), Уладзіслаў Ядзешка (57 кг) і Уладзіслаў Рагалевіч (63,5 кг). Бронзы былі ўдастоены Мікіта Шостак (67 кг), Давід Іваноў (40 кг), Настасся Трухан (51 кг) і Валянціна Вірынская (48 кг).

Зборная Беларусі заняла трэцяе месца ў агульнакамандным заліку ЧС, выйгралі ж яго гаспадары форуму прадстаўнікі Тайланда, а другімі сталі расіяне. Паводле слоў Юрыя Караева, чэмпіянат быў арганізаваны на высокім узроўні. Аднак умовы надвор'я аказаліся складанымі для многіх удзельнікаў. Спаборніцтвы праходзілі практычна на адкрытым паветры, у гарачым вільготным клімаце, пры тэмпературы да 40 градусаў вышэй за нуль. "Аднак тыя рэзультаты, якія паказалі беларускія байцы, сведчаць аб іх стойкасці і аддачы", - рэзюмаваў старшыня БФКТБ.

Галоўны трэнер Нацыянальнай зборнай Беларусі па ўсходніх адзінаборствах Міхаіл Сцяпанаў у сувязі з гэтым паведаміў, што, як правіла, такія спаборніцтвы праводзяцца ў закрытых памяшканнях з кандыцыянерамі, але цяпер гэта ўмова не выконвалася. Гаворачы аб жараб'ёўцы, галоўны трэнер адзначыў, што яна прайшла не зусім так, як хацелася б, і адразу пяць беларускіх спартсменаў былі вымушаны сустракацца з першымі нумарамі ў некаторых вагавых катэгорыях. Міхаіл Сцяпанаў таксама даў высокую ацэнку сваім падапечным на сусветным форуме, падкрэсліўшы, што яго парадавалі не толькі прызнаныя майстры, але таксама і прадстаўнікі моладзі і юніёры.

У Бангкоку таксама прайшоў першы чэмпіянат свету сярод студэнтаў па тайландскім боксе, у ходзе якога беларусы заваявалі тры ўзнагароды рознай вартасці. Дзмітрый Валент перамог у вагавой катэгорыі да 81 кг, Пётр Раманкевіч стаў сярэбраным прызёрам у вазе да 91 кг, Алена Мішчук стала ўладальніцай бронзы ў катэгорыі да 54 кг. У агульнакамандным заліку гэтага турніру беларусы былі пятымі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс