Падзеі, факты, анонсы
Амаль 200 вучоных прымуць удзел у міжнароднай канферэнцыі "Чарнобыль: праз 30 гадоў"
31 сакавіка, Мінск /Святлана Міховіч - БЕЛТА/. Амаль 200 вучоных прымуць удзел у міжнароднай канферэнцыі "Чарнобыль: праз 30 гадоў", паведаміў сёння карэспандэнту БЕЛТА ў час прамой лініі старшыня Прэзідыума Нацыянальнай акадэміі навук Беларусі Уладзімір Гусакоў.
"У Інстытуце радыебіялогіі НАН Беларусі 21-22 красавіка пройдзе міжнародная навуковая канферэнцыя "Чарнобыль: праз 30 гадоў", прысвечаная 30-й гадавіне аварыі на Чарнобыльскай АЭС. У ёй прымуць удзел амаль 200 вучоных з Беларусі, Расіі, Украіны і Японіі", - адзначыў Уладзімір Гусакоў.
Ён падкрэсліў, што японская дэлегацыя выказала моцную зацікаўленасць ва ўдзеле ў мерапрыемстве. "З Японіі прыедзе вялікая дэлегацыя, члены якой плануюць прадставіць свае даследаванні", - расказаў старшыня Прэзідыума НАН.
"Сярод асноўных напрамкаў канферэнцыі - радыебіялагічныя і радыеэкалагічныя наступствы аварыі на Чарнобыльскай АЭС, радыеэкалагічныя аспекты рэабілітацыі тэрыторый, забруджаных радыенуклідамі, а таксама праблемы папярэджання і ліквідацыі надзвычайных сітуацый у зонах радыеактыўнага забруджвання", - растлумачыў ён.
версія для друку
зрабіць стартавай
дабавіць у выбранае