Падзеі, факты, анонсы

Аляксандра Сасновіч выйшла ў 1/8 фіналу турніру ў Будапешце

Фота з архiва

13 ліпеня, Мінск /Кар. БЕЛТА/. Беларуская тэнісістка Аляксандра Сасновіч (86-ы нумар сусветнага рэйтынгу) выйшла ў 1/8 фіналу турніру катэгорыі WTA-250 у Будапешце з прызавым фодам $235 тыс., паведамляе карэспандэнт БЕЛТА.

Першую партыю сённяшняга матчу з венгеркай Цімеяй Бабаш (121) беларуска выйграла з сухім лікам 6:0. У другім сэце Сасновіч узяла яшчэ два геймы запар, пасля чаго саперніца вырашыла не прадаўжаць сустрэчу. У паядынку за выхад у чвэрцьфінал Аляксандра Сасновіч згуляе з яшчэ адной венгерскай тэнісісткай Паннай Удвардзі (204).

У паядынку 1/16 фіналу турніру ў швейцарскай Лазане беларуска Вольга Гаварцова (124) сустракаецца з расійскай тэнісісткай Ганнай Блінковай (82).

Спаборніцтвы ў Лазане і Будапешце завершацца 18 ліпеня.

версія для друку

зрабіць стартавай

дабавіць у выбранае