У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

2 Май 2016

Аксана Мянькова стала пераможцай у кіданні молата на міжнародным турніры ў Брэсце

2 мая, Мінск /Кар. БЕЛТА/. Беларуска Аксана Мянькова выйграла спаборніцтвы ў кіданні молата на міжнародным турніры па лёгкаатлетычных кіданнях памяці заслужанага трэнера СССР Яўгена Шукевіча ў Брэсце, паведамляе карэспандэнт БЕЛТА.

Алімпійская чэмпіёнка 2008 года ў Пекіне ў сваёй лепшай, чацвёртай, спробе кінула снарад на 72 м 70 см. Як лічыць сама спартсменка, яна пачынае непасрэдную падрыхтоўку да Алімпійскіх гульняў у Рыа, таму рэзультатам засталася задаволена. У далейшым Мянькова плануе выступленні на рэспубліканскіх спаборніцтвах. У кіданні молата ў мужчын пераможцам стаў Павел Барэйша з Гродна - 74 м 95 см.

Нядрэнную форму ў стартаваўшым летнім сезоне прадэманстравала ў кіданні кап'я брастаўчанка Таццяна Халадовіч, якая ўжо ў другой спробе змагла паказаць рэзультат 64 м 28 см. У сектары для штурхання ядра ў жанчын не было роўных Юліі Леанцюк - 18 м 51 см, у мужчын выйграў Міхаіл Абрамчук - 20 м 00 см. Спаборніцтвы ў Брэсце праводзіліся таксама сярод юніёраў. Трэнеры адзначылі высокія рэзультаты ў падрастаючага пакалення ў жаночым кіданні молата і кап'я.

Міжнародны турнір па лёгкаатлетычных кіданнях памяці заслужанага трэнера СССР Яўгена Шукевіча, які выхаваў алімпійскіх чэмпіёнаў па кіданні молата Рамуальда Кліма і Васіля Рудзянкова, з'яўляецца традыцыйным, ён праходзіць 32-і раз.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс