У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

26 Май 2015

Аўгустоўскі канал адкрые летні сезон святам народнай творчасці

26 мая, Гродна /Кар. БЕЛТА/. Аўгустоўскі канал 31 мая адкрые летні турыстычны сезон святам народнай творчасці. Аб гэтым карэспандэнту БЕЛТА паведаміла начальнік аддзела ідэалагічнай работы, культуры і па справах моладзі Гродзенскага райвыканкама Наталля Рамановіч.

Адкрытае рэгіянальнае свята народнай творчасці "Аўгустоўскі канал запрашае сяброў" пройдзе на шлюзе Дамброўка і па традыцыі азнамянуе пачатак рэкрэацыйнага сезона, які ў гэтым годзе пачнецца крыху пазней з-за сырога і халаднаватага надвор'я. Для гродзенцаў і турыстаў арганізатары падрыхтавалі разнастайную праграму, яна разлічана на ўвесь светлавы дзень. Гасцей чакаюць канцэрты, гульні для дарослых і дзяцей, конкурсы, тэатралізаваныя пастаноўкі.

Па ўжо існуючай традыцыі старт святу дасць касцюміраванае тэатралізаванае шэсце ўстаноў культуры Гродзенскага раёна, якое завершыцца сімвалічным спускам на ваду карабля, зрабленага з падручных сродкаў.

У праграме фестывалю таксама выстаўка-кірмаш вырабаў народных умельцаў. Майстры аддзела этнаграфіі, фальклору і рамёстваў Гродзенскага раённага культурна-інфармацыйнага цэнтра правядуць майстар-класы па дэкаратыўна-прыкладной творчасці. Для гасцей адбудзецца таксама выстаўка-кірмаш кулінарных вырабаў, пройдуць канцэрты вядомых ансамбляў і эстрадных выканаўцаў вобласці. Будзе арганізавана дзіцячая гульнявая пляцоўка, выязны гандаль.

На шлюзе адкрыюцца больш за 20 гасцінных падворкаў розных устаноў культуры Гродзенскага раёна. Падворкі будуць змагацца ў аглядзе-конкурсе на самую арыгінальную ідэю і яе ўвасабленне.

Завершыцца свята танцавальна-забаўляльнай праграмай з удзелам творчых калектываў клубных устаноў.

Адкрытае рэгіянальнае свята народнай творчасці "Аўгустоўскі канал запрашае сяброў" праводзіцца штогод з мэтай развіцця і ўмацавання культурных сувязей, папулярызацыі народнай творчасці і традыцый, адпачынку на Аўгустоўскім канале. У жніўні рэкрэацыйны парк прымае яшчэ адзін, ужо міжнароднага значэння фестываль "Аўгустоўскі канал у культуры трох народаў". У летні перыяд на беларускай частцы канала праходзяць шматлікія сплавы, спартыўна-турыстычныя і іншыя мерапрыемствы. З 2 мая тут пачаў працаваць сезонны рачны пагранічны пункт "Лясная - Рудаўка", які дае магчымасць перасякаць беларуска-польскую граніцк арганізаваным групам на водных сродках перамяшчэння па папярэдніх заяўках. Цяпер вырашаюцца пытанні арганізацыі на папулярных участках канала сезонных пунктаў пракату, месц грамадскага харчавання і іншых аб'ектаў турыстычнай інфраструктуры. У стадыі рэалізацыі на Аўгустоўскім канале знаходзяцца некалькі больш буйных праектаў па стварэнні турысцка-рэкрэацыйных комплексаў і гасцініц.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс