25 мая, Мінск /Кар. БЕЛТА/. Адзін залаты і 16 сярэбраных медалёў прывезла беларуская каманда з адкрытага чэмпіянату WorldSkills краін СНД, які праходзіў у Казані. Аб гэтым карэспандэнту БЕЛТА паведамілі ў аргкамітэце турніру.
У кампетэнцыі "Дызайн адзення" навучэнка Мінскага дзяржаўнага ПТК швейнай вытворчасці Вольга Закрэўская ўдастоена золата. Па ўсіх іншых прадстаўленых спецыяльнасцях - цырульніцкае майстэрства, поварская справа, абліцоўка пліткай, сталярная справа і г.д., беларусы атрымалі сярэбраныя ўзнагароды. Такія вынікі турніру WorldSkills СНД+ былі агучаны ў ходзе цырымоніі афіцыйнага закрыцця чэмпіянату. Да апошняга моманту інфармацыя аб тым, хто ж пераможа, нават для экспертаў адной кампетэнцыі заставалася закрытай. Свае балы журы адпраўляла ў спецыяльны цэнтр электроннай апрацоўкі паведамленняў.
Цяпер беларуская каманда будзе рыхтавацца да сусветнага чэмпіянату WorldSkills Competition, які пройдзе ў Сан-Паўлу (Бразілія) у жніўні 2015 года. Беларуская прафесійная адукацыя на конкурсе, дзе прыме ўдзел больш як 70 краін, будзе прадстаўлена спецыялістамі па гэтых жа 17 кампетэнцыях.