Падзеі, факты, анонсы

Адставання ад графіка няма. Як ідзе будаўніцтва Нацыянальнага гістарычнага музея

11 студзеня, Мінск /Кар. БЕЛТА/. Узвядзенне новага будынка Нацыянальнага гістарычнага музея ідзе па графіку. Аб гэтым у эфіры тэлеканала СТБ расказаў дырэктар дырэкцыі гістарычнага ўзводзімага Нацыянальнага гістарычнага музея Максім Котаў, паведамляе БЕЛТА.

Самым галоўным, як адзначыў Максім Котаў, было да надыходу маразоў закрыць контур, што будаўнікі паспяхова зрабілі. "Пяць паверхаў выведзена. Яшчэ ідуць аддзелачныя работы, плітку кладуць, але ў асноўным каркас закончаны", - сказаў дырэктар.

Ён таксама звярнуў увагу на тое, што адставання ад графіка работ няма. "Работы мастацкага камбіната па экспазіцыі пачаты ўжо. Работа мастакоў на аб'екце па стварэнні экспазіцыйных зал, я думаю, пачнецца бліжэй да вясны", - падкрэсліў Максім Котаў. Пры гэтым дырэктар дадаў, што працэс будаўніцтва музея прайшоў ужо свой экватар, а падрыхтоўка экспазіцыі яшчэ ў самым пачатку.

Як паведамлялася раней, плануецца, што Нацыянальны гістарычны музей размесціцца ў Цэнтральным раёне Мінска на ўчастку паміж пр. Пераможцаў - вул. Арлоўскай і ракой Свіслач. Тут жа створаць парк Народнага адзінства, які стане часткай водна-зялёнага дыяметра горада. Планіровачнае рашэнне будынка Нацыянальнага гістарычнага музея паўтарае контур карты Беларусі. Экспазіцыя музея будзе змяшчаць экспанаты і інфармацыю аб гісторыі беларускіх зямель, пачынаючы са старажытных часоў і заканчваючы сучаснасцю.

версія для друку

зрабіць стартавай

дабавіць у выбранае