У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

15 Снж 2017

Адкрыта скульптурная кампазіцыя "Бабруйск - культурная сталіца Беларусі"

15 снежня, Магілёў /Сяргей Кулягін - БЕЛТА/. Скульптурную кампазіцыю "Бабруйск - культурная сталіца Беларусі" сёння адкрылі перад гарадскім Палацам мастацтваў, паведамілі карэспандэнту БЕЛТА ў Бабруйскім гарвыканкаме.

Аўтар скульптуры - вядомы беларускі скульптар Аляксандр Шапо. Ён увасобіў у бронзе вобраз дзяўчыны, якая адзета ў нацыянальны магілёўскі стылізаваны строй, а ў руках на ручніку, упрыгожаным вышыўкай, трымае разгорнутую кнігу - слаўны летапіс жыцця горада на Бярэзіне. На яе старонках надпіс: "Бабруйск - культурная сталіца Беларусі".

У кампазіцыі таксама прысутнічаюць мастацкія пэндзлі - вобраз мастацтва, культуры. Яны служаць для адлюстравання сучаснага і будучага культурнага жыцця горада. "Дзяўчына глядзіць на гледачоў, нібыты запрашаючы іх далучыцца да насычанай і яркай культурнай палітры жыцця Бабруйска і Беларусі ў цэлым і даведацца больш пра багатыя традыцыі і спадчыну нашай краіны", - адзначыў Аляксандр Шапо.

Пасля адкрыцця скульптурнай кампазіцыі ў Палацы мастацтваў адбыўся канцэрт і цырымонія перадачы статусу "Культурная сталіца Беларусі" Наваполацку.

Як адзначыў старшыня Бабруйскага гарвыканкама Аляксандр Студнеў, лепшай ацэнкай праведзенай работы ў статусе культурнай сталіцы сталі ўдзячныя водзывы як саміх бабруйчан, так і шматлікіх гасцей - удзельнікаў розных праведзеных творчых праектаў. "З поўнай упэўненасцю магу сказаць, што той патэнцыял, які закладзены ў сферы культуры горада сёння, будзе прымножаны. У тым ліку дзякуючы дружнай і зладжанай камандзе прафесіяналаў і аматараў, мастакоў, пісьменнікаў, музыкантаў і проста неабыякавых людзей, - запэўніў мэр Бабруйска. - Перадаючы эстафету Наваполацку, хачу пажадаць, каб яркія праекты і творчыя адкрыцці 2018-га запальвалі новыя імёны нашых землякоў і дарылі незабыўныя эмоцыі ад сустрэч са светам прыгожага, прадаўжаючы слаўныя традыцыі беларускай самабытнасці".

Праект "Культурная сталіца Беларусі" стартаваў у 2010 годзе. Першым гэтага статусу быў удастоены Полацк. Потым эстафету падхапілі Гомель, Нясвіж, Магілёў, Гродна, Брэст, Маладзечна і Бабруйск.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс