Падзеі, факты, анонсы

Абдул-Азіз Курдзі выйграў золата маладзёжнага ЧС па стральбе

1 кастрычніка, Мінск /Кар. БЕЛТА/. Беларускі спартсмен Абдул-Азіз Курдзі выйграў золата маладзёжнага чэмпіянату свету па стральбе. Турнір праходзіць у Ліме (Перу), паведамляе карэспандэнт БЕЛТА.

Падапечны Юліі Басінскай, які спецыялізуецца на стральбе з пісталета, не ведаў роўных у практыкаванні ПП-3 (стральба з пнеўматычнага пісталета на дыстанцыі 10 м). Яго падагульняючы рэзультат - 236,8 ачка.

Другое месца следам за беларусам заняў іспанец Марцін Фрэе-Тарнейра - 235,5 ачка. Бронзу выйграў Эдуард Баўмайстэр з Германіі - 215,4 ачка.

За ўзнагароды чэмпіянату свету сярод моладзі змагаюцца больш за 150 стралкоў з 60 краін. Завершацца спаборніцтвы ў Ліме 10 кастрычніка.-0-

версія для друку

зрабіць стартавай

дабавіць у выбранае