23-25 мая для ўдзелу ў першым пасяджэнні Міжурадавай беларуска-славенскай камісіі па гандлёва-эканамічнаму і навукова-тэхнічнаму супрацоўніцтву ў Беларусі знаходзіцца дэлегацыя Рэспублікі Славенія на чале з генеральным дырэктарам упраўлення эканамічнай дыпламатыі і пытанняў развіцця МЗС Славеніі Уладзімірам Гаспарычам. Беларускі бок на камісіі ўзначальвае намеснік міністра замежных спраў Рэспублікі Беларусь Валерый Варанецкі.
У ходзе трохдзённай работы камісіі запланаваны правядзенне беларуска-славенскага бізнес-форуму ў Беларускай гандлёва-прамысловай палаце, пасяджэнні экспертных груп у Міністэрстве энергетыкі, Міністэрстве жыллёва-камунальнай гаспадаркі, Дзяржаўным камітэце па навуцы і тэхналогіях, а таксама Беларускай чыгунцы. У рамках візіту славенская дэлегацыя таксама наведае ААТ "МАЗ".
У адпаведнасці з праектам парадку дня пасяджэння камісіі бакі разгледзяць шырокі спектр пытанняў двухбаковага ўзаемадзеяння, уключаючы стан і перспектывы развіцця двухбаковых эканамічных адносін, узаемадзеянне ў галіне прамысловасці, сельскай гаспадаркі, турызму, у навукова-тэхнічнай і інавацыйнай сферах, пытанні развіцця дагаворна-прававой базы двухбаковага супрацоўніцтва, садзейнічання развіццю міжнародных аўтамабільных зносін, рэалізацыі канкрэтных камерцыйных праектаў, а таксама іншыя актуальныя пытанні, якія ўяўляюць узаемную цікавасць.
Пн | Аўт | Сер | Чцв | Пт | Сб | Нядз |
---|