VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

10 Ліс 2015

Вытворцам новых банкнотаў для Беларусі стала кампанія з Вялікабрытаніі

10 лістапада, Мінск /Кар. БЕЛТА/. Вытворцам новых банкнотаў для Беларусі стала кампанія з Вялікабрытаніі, паведаміў сёння на прэзентацыі новых грошай намеснік старшыні праўлення Нацбанка Дзмітрый Лапко, перадае карэспандэнт БЕЛТА.

"Вытворца банкнотаў - гэта кампанія з Вялікабрытаніі. Вытворцамі манет з'яўляюцца Літоўскі манетны двор і Манетны двор "Крэмніца" - Славакія", - сказаў намеснік кіраўніка Нацбанка.

Адказваючы на пытанне, чаму менавіта гэтыя кампаніі сталі вытворцамі новых грошай, Дзмітрый Лапко адзначыў: "Гэта пытанні правядзення конкурсу. Конкурс быў закрыты, таму гэта ўсё, што магу наконт гэтага паведаміць".

Рашэнне аб правядзенні дэнамінацыі афіцыйнай грашовай адзінкі з 1 ліпеня 2016 года замацавана ўказам Прэзідэнта ад 4 лістапада нумар 450. Дэнамінацыя будзе праведзена шляхам замены банкнотаў узору 2000 года, якія знаходзяцца ў абарачэнні, на банкноты і манеты ўзору 2009 года ў суадносінах 10 000 беларускіх рублёў у грашовых знаках узору 2000 года і 1 беларускі рубель у грашовых знаках узору 2009 года.

Новыя грашовыя знакі, якія будуць уведзены ў абарачэнне з 1 ліпеня 2016 года, выраблены па заказе Нацыянальнага банка Беларусі яшчэ ў 2008 годзе. Аднак тады ў сувязі з сусветным эканамічным крызісам і, як вынік, пагаршэннем эканамічнай сітуацыі ў краіне правядзенне дэнамінацыі было адкладзена, а вырабленыя грашовыя знакі перададзены ў Цэнтральнае сховішча Нацыянальнага банка.

Агульная канцэпцыя дызайну новых банкнотаў адпавядае дэвізу "Мая краіна - Беларусь". Кожны банкнот прысвечаны адной з абласцей Беларусі і Мінску. Адпаведнасць вобласці наміналу банкнотаў вызначана ў алфавітным парадку.

Так, выява банкнота наміналам 5 рублёў прысвечана Брэсцкай вобласці, 10 - Віцебскай, 20 - Гомельскай, 50 - Гродзенскай, 100 - Мінскай, 200 - Магілёўскай, 500 рублёў - Мінску. У дызайне новых банкнотаў узору 2009 года захавана пераемнасць адносна банкнотнага рада ўзору 2000 года ў частцы выкарыстання выяў помнікаў архітэктуры і горадабудаўніцтва.

На аверсе (правым баку) уводзімых у абарачэнне разменных (цыркуляцыйных) манет адлюстраваны Дзяржаўны герб Беларусі, на рэверсе (адваротным баку) - лічбавыя абазначэнні наміналаў манет.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход