Абноўленую экспазіцыю музея "Бездзежскі фартушок" плануюць адкрыць у 2026 годзе

У музеі народнай творчасці "Бездзежскі фартушок" у Драгічынскім раёне ў 2026 годзе плануюць адкрыць абноўленую экспазіцыю.  Часовая экспазіцыя пакуль размешчана ў будынку фондасховішча. Наведвальнікі могуць даведацца пра мясцовыя традыцыі і народную творчасць, разгледзець эксклюзіўныя фартушкі, паўдзельнічаць у майстар-класах. У музеі будзе сем залаў, у адной з іх пакажуць гістарычнае мінулае Бездзежа. Асобная ўвага будзе ўдзелена адзенню, характэрнаму для тутэйшых мясцін. Манекены з касцюмамі размесцяць на фоне дыярам з адпаведнай парой года. Асобную залу вылучаць для фартушкоў. Плануецца прапанаваць для паказу каля 150 штук. Усяго ж у калекцыі іх больш за 400, і яна да гэтага часу папаўняецца.