Свята фальклорнага мастацтва "Берагіня"

Рэспубліканскі фестываль фальклорнага мастацтва "Берагіня" прайшоў з 20 па 24 чэрвеня ў гарадскім пасёлку Акцябрскі (Гомельская вобласць), паведамілі БЕЛТА ў Гомельскім аблвыканкаме.

Удзельнікамі фестывалю сталі аўтэнтычныя фальклорныя калектывы мастацкай творчасці з Беларусі, самабытныя калектывы блізкага і далёкага замежжа. Праграма прадугледжвала святы народнай творчасці "Рудабельскі кірмаш", "Рудабельскі баль" і "Рудабельскае Купалле". Свае таленты паказалі выканаўцы народных бытавых танцаў, музыканты, майстры розных відаў рамёстваў, расказчыкі прозы і іншыя.