Яскравае шоу: фестываль агню прайшоў у Брэсце

У суботу 21 красавіка больш за 50 майстроў фаер-шоу з Беларусі і Расіі пакаралі гледачоў Брэста маштабным вогненным прадстаўленнем. Прафесіяналы, якія здолелі прыручыць палымяную стыхію, дэманстравалі, на што здольная магія агню.

Бурная праграма ўключала ў сябе вогненныя перформансы, танцавальныя і вакальныя выступленні, а таксама майстар-класы і конкурсы. Зачаравальнае мастацтва ўтаймавання агню, спалучэнне музычных рытмаў з грацыёзным рухам цела – сапраўднае эстэтычнае задавальненне адчулі госці мерапрыемства.

Захапляльныя трукі з агнём і палымянае шоу – у фотарэпартажы!