Дзеці з Сірыі прыехалі на адпачынак і аздараўленне ў Беларусь

У Нацыянальным дзіцячым адукацыйна-аздараўленчым цэнтры "Зубраня" адпачываюць і папраўляюць здароўе 144 дзіцяці з Сірыі. Усе яны – лідары ў адукацыі, спорце і творчасці.

Госці ўжо пабывалі ў вядучых беларускіх ВНУ, у Нацыянальным алімпійскім камітэце, наведалі культурна-спартыўны комплекс "Мінск-Арэна", Мінскі аўтамабільны завод, БелАЗ, пабывалі ў нашых музеях. Таксама ў праграме наведванне Беларускай атамнай станцыі.

Наведаць рабят 24 студзеня прыехалі намеснік прэм'ер-міністра Беларусі Васіль Жарко і міністр адукацыі Ігар Карпенка .

На сустрэчы дзеці з Беларусі і Сірыі задавалі пытанні прадстаўнікам улады. Гасцей цікавіла магчымасць атрымання вышэйшай адукацыі ў беларускіх ВНУ, удзел у сумесных алімпіядах і спартыўных мерапрыемствах.