Belarus Fashion Week у Мінску

На працягу 6 дзён у Нацыянальным выставачным цэнтры "Белэкспа" самыя амбіцыйныя і яркія прадстаўнікі fashion індустрыі Беларусі прэзентуюць свае калекцыі сезона вясна-лета 2018. Акрамя таго, госці мерапрыемства могуць азнаёміцца з паказамі папулярных брэндаў з Вялікабрытаніі, Германіі, Італіі, Літвы і Расіі. І, вядома, у абавязковай праграме, бадай, самы кранальны праект Belarus Fashion Week – паказы дзіцячай моды Kids' fashion days BFW.

Яркім акцэнтам Тыдня моды стаў другі міжнародны форум Fashion is my Profession, арганізаваны пры падтрымцы Міністэрства эканомікі Беларусі і пасольства Італіі ў нашай краіне. Форум аб'яднаў экспертаў з Італіі, Германіі, Вялікабрытаніі, Францыі і Канады. У фокусе – актуальныя тэмы ў галіне журналістыкі, пераходу ў сферу digital, абароны бізнесу ў эпоху сацыяльных сетак.