"Захад-2017": манеўры па тэрытарыяльнай абароне адпрацавалі ў Глыбоцкім раёне

Мерапрыемствы па тэрытарыяльнай абароне ў ходзе вучэння "Захад-2017" прайшлі 18 верасня на тэрыторыі Глыбоцкага раёна з удзелам старшынь рай- і гарвыканкамаў Віцебскай вобласці. Тэрытарыяльныя войскі ва ўзаемадзеянні з прадстаўнікамі сілавых структур раёна на практыцы прадэманстравалі вырашэнне некалькіх задач. Было паказана абсталяванне і арганізацыя службы на КПП, дзеянне нарада па КПП у ходзе надгляду і затрымання дыверсійна-разведвальнай групы праціўніка на транспартных сродках. Акрамя таго, разыграна адбіццё нападу дыверсійна-разведвальнай групы на ахоўны стратэгічна важны аб’ект, а таксама эпізод з захопам заложнікаў у населеным пункце. Злачынная група, якая захапіла адміністрацыйны будынак, была ліквідавана, заложнікі не пацярпелі.