Алег Навіцкі падарыў музею авіятэхнікі "касмічныя" рарытэты

У Дзень ВПС Алег Навіцкі перадаў начальніку Мінскага аэраклуба ДТСААФ стваральніку музея авіятэхнікі Мікалаю Мачанскаму бясцэнныя экспанаты. І цяпер у павільёне "Космас" можна будзе ўбачыць лажамент Алега Навіцкага (створанае па індывідуальных параметрах касманаўта крэсла, у якім выконваюцца старт, вывядзенне карабля на арбіту і пасадка), казахскі халат (па традыцыі яго дораць касманаўтам пасля пасадкі), касцюм "Кентаўр" (для правільнага размеркавання вадкасці ў арганізме), імянныя рэчы, якія пабылі ў космасе.