Падрыхтоўка да мантажу корпуса рэактара ідзе на БелАЭС

На будоўлі Беларускай АЭС працуюць больш за 5 тыс. чалавек – яны задзейнічаны практычна на ўсіх аб'ектах абодвух энергаблокаў. На першым энергаблоку пачаўся мантаж асноўнага абсталявання турбіннага і рэактарнага аддзялення. Рыхтуецца да мантажу і корпус рэактара. У канцы мінулага года "атамнае сэрца" ад завода-вытворцы ў Расіі да Астраўца пераадолела па вадзе і сушы практычна 2,5 тыс. км. Да гэтага часу ў цэлым па праекце выканана прыкладна 38 працэнтаў будаўніча-мантажных работ, пры гэтым каля 80 працэнтаў работ – беларускімі арганізацыямі. Асноўнае абсталяванне для першага энергаблока і агульнастанцыйных аб'ектаў ужо закуплена, ідуць работы і па другім блоку.