Вядучы інжынер-канструктар Сяргей Яжоў

Адна з галоўных задач НПЦ шматфункцыянальных беспілотных комплексаў на 2017 год – выпуск дзвюх інавацыйных мадэлей квадракоптараў: для высакаякаснага маніторынгу ў фармаце Full HD і для патрэб сельскай гаспадаркі. Згодна з планамі, беларускія дроны будуць мець важкія канкурэнтныя перавагі. Напрыклад, аграрыям квадракоптары дапамогуць кантраляваць стан палёў і працэс выспявання, дадуць магчымасць змяншаць затраты на апырскванне – паводле падлікаў, гэта больш выгадна, чым выкарыстанне аўтатрактарнай тэхнкі або пілатуемых самалётаў.

Новыя беларускія квадракоптары змогуць аддаляцца на адлегласць ад 5 да 10 км і, у адрозненне ад дронаў для забаўляльных мэт, аказвацца па-за межамі бачнасці аператара за пультам. Памеры тэхнікі плануюцца адпаведныя: дыяметр мультыкоптара для высакаякаснага маніторынгу – 1,5 м, для сельскай гаспадаркі – больш: з улікам неабходнасці падымаць грузы.