Славянскае свята "Шчодрык" адсвяткавалі ў Пагосце

Увечары 13 студзеня ў вёсцы Пагост (Жыткавіцкі раён, Гомельская вобласць) адсвяткавалі "Шчодрык".

Шчодры вечар – гэта народнае славянскае свята, якое адзначаецца напярэдадні Старога Новага года. У гэтае свята калядоўшчыкі ходзяць пад вокнамі і ў дамы, дзе ўслаўляюць гаспадароў, а таксама водзяць "казу" і спяваюць народныя песні, у якіх жадаюць усім здароўя і дастатку.