Зборная Беларусі ў Рыа-2016: барэц-суперцяжкавагавік Ібрагім Саідаў заваяваў бронзу

Упершыню з 1996 года ў калекцыі беларускай школы барацьбы – адразу тры ўзнагароды алімпійскага турніру. Услед за першай на дыване Рыа-2016 бронзай Джавіда Гамзатава і прыгожа заваяваным серабром Марыі Мамашук бронзавы медаль сярод суперцяжкавагавікоў вольнага стылю "выкаваў" сабе магутны атлет з Гродна, спартсмен з дагестанскімі каранямі Ібрагім Саідаў.