Рыа-2016: Аляксандра Герасіменя

У алімпійскім Рыа беларускай "залатой рыбцы" Аляксандры Герасімені, у скарбонцы якой два сярэбраныя медалі Лондана-2012 і мноства ўзнагарод вядучых турніраў свету, доўга спадарожнічалі расчараванні. Але, валявая і мэтанакіраваная, гэта дзяўчына не збіралася здавацца і заваявала сваю ўзнагароду Гульняў-2016.

У фінальным заплыве на 50 метраў вольным стылем Аляксандра Герасіменя з новым нацыянальным рэкордам (24,11 секунды) пабіла ўласнае ж дасягненне чатырохгадовай даўнасці (у Лондане яна праплыла 50 метраў за 24,28 секунды) і заваявала бронзу. Золата – у датчанкі Перніле Блумэ (24,07 сек.), серабро – у амерыканкі Сімон Мануэль (24,09 сек.).